ECO GREASE SOLUTION
Nga një ide familjare, në një rrjet kombëtar të riciklimit të vajit të përdorur.
Eco Grease Solution është themeluar në vitin 2016 në Tiranë, si një nismë e thjeshtë familjare për të adresuar një problem mjedisor shpesh të nënvlerësuar: vajin e përdorur të gatimit. Sot, jemi një nga operatorët kryesorë në Shqipëri për grumbullimin dhe trajtimin e këtyre mbetjeve, duke bashkëpunuar me qindra subjekte në të gjithë vendin.
Misioni ynë
Të reduktojmë ndotjen mjedisore, të promovojmë riciklimin dhe të kontribuojmë në një ekonomi qarkulluese.
Ne besojmë se çdo pikë vaji e përdorur është një mundësi për të krijuar energji të pastër dhe për të mbrojtur mjedisin. Misioni ynë është të ofrojmë një shërbim të sigurt, të certifikuar dhe pa stres për klientët tanë, ndërkohë që kontribuojmë realisht në një të ardhme më të gjelbër.
Zgjerimi ynë
Prezent në të gjithë Shqipërinë – nga Shkodra në Sarandë.
Falë besimit të partnerëve tanë dhe përkushtimit të ekipit, kemi shtrirë aktivitetin tonë në qytetet kryesore si Durrës, Shkodër, Elbasan, Vlorë, Korçë, Lezhë dhe Sarandë.
Aktualisht grumbullojmë mbi 450 ton vaj të përdorur në vit, duke luajtur një rol konkret në mbrojtjen e ujërave dhe tokës nga ndotja.
